今日過左一個好多節目既星期日.....
愛筵之後又團契玩遊戲.....將一個蘋果一分為二....用口!!!!
將21粒車里茄放響口入面......完全當冇事咁!!!!
夜晚睇左Girl's Team打Friendly Match.....
如果佢地認真少少....努力多少少....技術進步多少少.....
打羸既場數應該唔會得一場咁多.....

.....................................................................................................................

其實今日最開心既就係.....幾年前.....或者係我升團之前.....
為實現我為上帝而作既『夢』行出左第一步.......交Form....申請加入獻詩小組!!!!
真係等左好耐好耐......
當我走去將Form放響信格....由拉開信格....放低張form....之後拉埋個信格......
全程真係緊張到難以至信....
我都唔明點解會咁.....或者係大堂喇.....真係會嚴謹D.....
既然我真係有心為上帝而作.....我相信佢會有佢既安排......
就算interview唔得.....至少我都有做過呢個行動......
何況......in都未in......俾d信心自己喇.....
咁多人同自己講....."你得既....你做得到既....."
你得既......你得既......你得既......你得既......你得既......你得既......你得既......你得既......你得既......!!!!!

經過星期六, 日,一....終於都有得放早少少.....
個人都做到D脾四都出曬黎.....真係好唔想做咁多野.....
日日都係望天打掛......等下有冇大陸車返廠....
好呀....早收就走去打排球....等我呢兩日又食羊腩煲又打邊爐.....
今日都係output既時候!!!!
都好幾個星期冇打.....自排球比賽之後真係要休息....
逢係有關節既地方都有D酸痛.....唔想咁既年紀就好似老人家咁既活動能力......
今日打返都有少少唔慣....都算係冇生疏到.....
講真...而家係有D擔心而家咁既身形仲可以打幾耐....
唔快D keep keep佢都唔得....

假期完左....都係要辛苦一日先安樂.....
有時會問下....點解人地早走就得.....我就一d都唔得.....
要由早等到晚....一日三餐都差唔多響公司搞掂......
人地可以慢慢咁做....我就一d都唔可以慢....仲要一d錯都唔accept......
我就成日都越權問野....人地就順利咁問點解唔提返佢地轉頭.....
明知出貨一直出現問題......過左三十年都係咁繼續咁錯......
意見接受....態度照舊.....
而家打工....唔係賣身.....
有d野唔耐d都唔會留意到呢d咁既問題.....
就算講到有幾多幾多解決方法都係冇咩用.....
算喇.......我都係唔好為到呢d野而煩......煩都係冇咩用......

平日既我遇到一日既假就會訓日上三杆先會醒.....
我竟然同弟兄姊妹走去行山....
根據上次歷奇camp既經驗.....
一定要做好準備先得.....行行下冇水點算....
上山....下海灘....搵奇石....搵貝殼.....救救小海膽....仲有...食零食.....
去既時候大家都幾好傾咁.....一回程就冇野講...行到tired.....
有人行到海邊好似想跳海咁....因為咁應該影左好多相架......
今日奇怪既係......成個旅程都會有d蜜蜂, 蝴蝶飛到我身邊.....
唔知係我著左件橙色衫, 以為我係朵花......
定係我身上有d味道引起佢地既興趣....
我諗我都好吸引喎.....so sweet!!!!

------------------------------------------------------------

行程話就話唔係好長好耐....一路行都係有d辛苦既......
當去到石灘.....極好既天氣.....涼風.....真係好舒服架......
就算星期六返到公司一定好多野做.....好似真係唔記得咁.....
或者出黎行下會好d既....忘記一d應該要忘記既事....相信會有d新既發現會搵到既.....

好幾個月都唔寫blog, 再寫真係要有d時間先得
幾個月冇做既野, 好似真係發生左好多既事
工作唔開心, 唔理想....自己既唔成熟.....
同朋友, 弟兄姊妹既關係....
對感情不斷既失望....失落......等等等等.....
好似我真係講左好多好負面既事
我唔係要求一切既事可以好圓滿咁解決
我只係希望....唔好讓我一次又一次既返去原來既地方

-------------------------------------------------------------------------------

今日係好好既休息.......積勞成疾.......而家都仲係好tired....
要停一停....諗一諗既時間真係少得很......
係就真係有d過份左.....如果變得好公式化就真係好辛苦......
要響往自由....呢個咁真實而又實在既世界裡根本係好難既事....
就算係去到世外桃園......咁唔駛開飯....唔駛支出咩.....
都係唔好諗咁多......活在當下....
為自己也好......為屋企也好....為朋友也好......為將來也好......為上帝也好.....
積極面對....要成熟, 獨立, 有主見, 有自制能力, 為人著想, 愛人如己.....

-------------------------------------------------------------------------------

有人問.....呢個世界既人係唔係冇人會願意會付出真心去愛???
我可以再答多一次......就算當初我都反問自己好多次呢個問題.....不過.....
呢個世界"一定"有人會付出真心去愛!!!!!